فيه سؤال ناس كتير بتسأله: إزاي أبدأ أعمل فلوس وأنا لسه طالب؟
الغالبية بيلجأوا لحلول سريعة زي التداول أو طرق “الربح السريع”، بس الحقيقة إن دي مش بس مش مضمونة… دي كمان ممكن تضيعلك وقتك ومجهودك.
الطريق الحقيقي والأكتر أمان هو إنك تتعلم مهارة وتبني عليها شغل تدريجيًا.
يعني إيه “مهارة” أصلاً؟
المهارة ببساطة هي حاجة عملية تقدر تقدم بيها قيمة للناس.
مثلاً: تصميم، برمجة، كتابة، تسويق… إلخ.
الحاجة الحلوة إنك ممكن تبدأ من الصفر تمامًا، وتتعلم أونلاين بخطوات واضحة من غير ما تحتاج خبرة سابقة.
ليه تتعلم مهارة أهم من إنك تدور على طرق ربح سريعة؟
- الطرق السريعة مش بتبني مستقبل طويل.
- أي دخل ثابت أو “High Income” لازم يكون مبني على خدمة أو قيمة بتقدمها.
- المهارة بتكبر معاك… يعني كل ما تشتغل أكتر، قيمتك وسعرك بيزيد.
إزاي تختار المهارة المناسبة ليك؟
- اسأل نفسك بتحب إيه أو بتميل لإيه أكتر.
- جرب أكتر من حاجة أونلاين قبل ما تستقر.
- ركز على حاجة مطلوبة في السوق (وده هنتكلم عنه دلوقتي).
أهم المهارات المطلوبة دلوقتي (High Income Skills)
🔹 في البرمجة والتقنية:
- Web Development
- WordPress Development
- UI/UX Design
- Software Engineering
🔹 في الماركتينج والبيزنس:
- Social Media Marketing
- Media Buying
- Email Marketing
- SEO & Content Marketing
- Copywriting
كل دي مهارات مطلوبة عالميًا، وممكن تبدأ تتعلمها مجانًا من الإنترنت.
طب إزاي أعرف إن المهارة مناسبة لي ولا لأ؟
- جربها فترة قصيرة (مش مجرد فرجة على كورسات).
- نفّذ مشروع بسيط بيها.
- لو حاسس إنك بتستمتع بيها وبتطور فيها بسرعة → كمل.
هل في مهارة بتدخل فلوس أكتر من التانية؟
الجواب: أيوه… بس كمان لأ 😅.
القيمة مش بس في المهارة نفسها، القيمة في إنت بتطبقها إزاي وبتوصل بيها لمين. في ناس بتعمل فلوس كبيرة من الكتابة مثلاً، وفي ناس بتفشل في نفس المجال.
طيب إيه المميزات والعيوب لو بدأت بدري؟
المميزات:
- هتسبق ناس كتير في سنك.
- خبرتك هتكبر بسرعة.
- فلوسك هتبدأ تيجي بدري.
العيوب:
- محتاج توازن بين وقتك كشاب/طالب وبين الشغل.
- ممكن تتعرض لضغط أكبر من غيرك.
الخلاصة
الفترة بين 13 و20 سنة هي أهم وقت تتعلم فيه مهارة.
لو ضيعت الوقت بحجة إنك “مراهق” أو “لسه صغير”، هتندم.
ابدأ دلوقتي، جرب أكتر من حاجة، وطوّر نفسك.